CAGAYAN DE ORO CITY – Naka-status quo una ang panarbaho sa tanang job orders ug casuals nga nagsilbi sa katawhan ubos sa city govt ning syudad.
Kini human gilugwayan ni City Mayor Rolando ‘Klarex’ Uy ang pagtrabaho sa JOs ug casuals bisan kon kutob ra unta ang mga kontrata niini sa miaging Disyembre 31,2022.
Gibutyag ni Uy nga dili niya gusto nga magutman ang pamilya sa maong mga empleyado ug maapektuhan ang pagtungha sa ilang mga anak rason nga wala niya tanduga ang mga trabaho niini.
Apan hagit usab sa mayor nga unta dili magbinulakbol o magtinapulan ang maong mga trabahante kon sila mahatagan sa pag-renew ubos sa nagkadaiyang departamento diha sa city hall.
Gihimo kini nga katin-awan sa mayor kay nanggawas ang mga intriga nga wala na’y e-renew nga JOs ug casuals nga gikan pa sa kanhi administrasyon.
