CAGAYAN DE ORO CITY – Wala gikalisang ni Provincial Gov Peter ‘Senior Pedro’ Unabia ang giingong kasuko ug pagsaway nga iyang nadawatan gikan sa pipila ka magtutudlo ubos sa Dep-Ed Misamis Oriental.
Kini human gika-dismaya sa maong mga magtutudlo ang wala paghatag sa ilang tag-2-mil pesos nga special education fund (SEF) nga dugay na gihimo sa kapitolyo probinsyal nga alang kanila.
Miingon si Unabia nga dili angayang ikasuko sa mga magtutudlo nga wala una ihatag kanila ang ilang SEF kay ipuno kini sa utangon sa kapitolyo aron itukod sa mil-342 ka lawak-saringan sa tibuok probinsya.
Gipasabot sa gobernador nga miagi sa konsultasyon sa local school board ang maong lakang diin nauyunan nga unahon una pagtubag ang kakulang sa school classrooms aron mapalig-on pa ang programang edukasyon sa probinsya.
Hisayrang anaa sa 20.5 milyon pesos ang tinuig nga dawaton sa mga magtutudlo nga SEF gikan provincial govt.
