CAGAYAN DE ORO CITY – Wala na lugwayi sa Commission on Elections ang voter’s registration alang sa mga gustong bag-ong mga botante nga ilang gisugdan Disyembre 12 ug natapos kagahapong adlawa.
Miingon si Comelec 10 regional director Atty Reynato Magbutay nga sulod sa maong registration period,anaa sa inisyal 88-mil lamang nadugang nga bag-ong botante.
Giklaro ni Magbutay nga sa maong numero,wala pa maapil ang mga miapas pagpa-rehistro sa rehiyon kagahapong adlawa.
Tipik kini sa preparasyon sa Comelec sa Brgy ug SK elections sa Oktubre ning tuiga.
Mismo lang dinhi sa Cagayan de Oro City diin gihimo ang katapusang semana sa registration sa usa ka mall,daghan ang wala ma-akomodar kay naabtan na sa oras kagahapong adlawa.
Hisayrang target dinhi sa syudad, ang 19-mil ka dugang bag-ong botante sa dakbayan sa mga mosunod nga eleksyon.
