CAGAYAN DE ORO CITY – Gipangita karon sa PNP ang kanhi municipal councilor nga gitudlong suspek pagpusil sa usa ka market vendor sa sentro nga bahin sa Marawi City,Lanao del Sur.
Miingon si Lanao del Sur Provincial Police Office spokesperson Police Maj. Alvison Mustapha nga giila ang biktima nga si Joseph Saragina,hingkod ang panuigon nga nagpuyo sa maong lugar.
Siya miingon nga maoy namusil ang suspek nga si Ansarai Marahomsar kinsa kanhi konsehal sa lungsod sa Gannasi.
Nasuta nga migamit sa ambulansiya sa lungsod ang suspek hinungdang wala mabantayi sa mga pulis ang pagpusil ngadto sa biktima.
Giklaro usab ni Mustapha nga nadamay lang si Saragina kay lahi ang target pusilon ni Marahomsar gumikan sa personal grudge ug isyu sa love triangle.
