CAGAYAN DE ORO CITY – Detinado ang duha ka motorista nga nagmaneho sa magkalahing sakyanan nga unang nalambigit sa dugu-ong aksidente sa Sayre Highway,Purok 5,Brgy Bangcud,Malaybalay City,Bukidnon.
Kini human nag-resulta sa kamatayon sa laing motorista ang maong aksidente.Giila ni Malaybalay City Police Station commander Police Lt.Col. Julius Clark Prisco Macariola ang namatay’ng biktima nga si Samuel Gengelo,35 anyos,minyo ug nagpuyo sa maong lugar.
Namahayag si Macariola nga mi-overtake ang biktima samtang sakay sa motorsiklo sa sakyanan nga gimaneho ni Diego Samontañes sa dihang natigayon ang aksidente.
Nalagpot ang biktima tungod sa kakusog nga impact hinungdang nalatayan sa laing cargo truck nga gimaneho usab ni Jefferson Matela.
Dead on arrival si Samuel samtang gitakdang kasuhan sa PNP ang duha ka mga suspetsado.
Apan kon magkasinabot usab ang mga nalambigit nga mga partido,hayan walay kaso nga maduso sa piskalya.
