CAGAYAN DE ORO CITY – Nakaisa ang full alert status sa Police Regional Office 10 kuyog ang force multipliers alang sa paghatag seguridad sa mga kalihukan sa selebrasyon sa mga mamumu-ong Pilipinhon ning adlawa.
Kini subay sa mando ni PRO 10 regional director Police Brig Gen Police Lawrence Coop ngadto sa lower unit commanders sa lima ka probinsya sa rehiyon.
Miingon si PRO 10 spokesperson Police Maj. Joann Navarro nga tugtan nila nga mohimo’g mga lihok-protesta ang mga progresibong pundok sa kondisyon nga ilusad kining malinawon.
Siya miingon nga naka-alerto usab ang border controlsa rehiyon aron dili masudlan sa mga dautang mga tawo nga mohimo’g sabotahe sa kahusay’g kalinaw sa rehiyon.
Samtang wala nakapaluya sa mga mamumu-o ug mga unyon ang daw pagbaliwala sa city hall sa ilang hangyo nga magamit unta sa Kiosko Kagawasan aron isaulog ang ika-121 ka tuig nga Labor Day ning adlwa.
Kini human itaho ni ALU-TUCP Regional Vice President Atty. Proculo Sarmen nga mohimo gihapon sila sa motorkada aron ipadayag ang ilang mga katungod ug mga demanda ngadto sa gobierno.
Miingon si Sarmen nga wala mausab ang ilang panawagan nga unta ihatag na sa gobierno ang dugay nang singgit sa mga mamumu-o nga ensaktong mga suhulan,igong mga benepisyo ug maayong trabaho alang sa tinud-anay nga pag-ugmad sa nasud.
Mismo sulod sa gobierno ang daghang trabahante nga walay security of tenure kay nagpabiling job orders ug casuals sa halos tag-20 ka tuig na sa serbisyo.
Samtang gitahod sa DOLE 10 ang himoong panatigom sa mga mamumu-o diin sila makapadayag sa ilang mga kadismaya ug demanda nga ibuhat sa gobierno alang sa ilang sektor.
Gihimo ni DOLE 10 Technical Director JV Vasallo nunot sa ilusad nga motorkada sa mga unyon nga sakop sa ALU-TUCP Northern Mindanao ning adlawa.
Miingon si Vasallo nga walay dautan sa matag-lusad sa mga panagtigom sa mga mamumu-o subay sa kondisyon nga sundon lamang kanunay niini ang patarakan sa kagamhanan.
Una usab niini,daw gi-depensa sa ahensiya ang local govt nga wala mohatag permit sa ALU-TUCP nga magamit sa plaza divisoria kay mas gihataga’g prioridad ang konsierto sa mga sundalo’g pulis ning syudad.
