CAGAYAN DE ORO CITY – Mihangyo dugang tabang kagamhanang lokal ni Gusa Punong Brgy Marlo Tabac alang sa dul-an 90 ka pamilya nga nawad-an sa ilang mga balay sa pag-ulbo sa dakong sunog sa Purok 8,Sitio San Pedro kagahapon sa buntag.
Kini aron dunay magamit ang mga biktima nga temporaryong nagpasilong sa East Gusa National High School sa maong brgy.
Miingon si Tabac nga dili igo ang ilang gamay’ng pondo ug bisan ang tabang nga natunol gikan sa city hall kay pila ka adlaw pa nga atimanon sa brgy ang mga biktima sa trahedya.
Una niini,gisulti sa taga-Bureau of Fire Protection nga nagsumikad ang kalayo sa balay ni Richard Ramentos ug paspas mikatag sa mga silingang kabalayan.
Hinoon,pabiling giimbestigaran pa sa BFP ang hinungdan sa sunog nga mitala’g structural damage nga 600-mil pesos.
