CAGAYAN DE ORO CITY – Dili mohunong ang mga kongresista nga nakabase sa Northern Mindanao ilabina ni 2nd District Cong. Bambi Emano nga kumbinsihon ang natl govt paghatag prioridad nga mahimo nang international standard ang Laguindingan Airport sa Misamis Oriental.
Gihimo ni Emano ang reaksyon nunot sa paglusad na sa ground breaking aron sugdan na sa dili madugay ang expansion facility alang sa mga pasahero sa maong tugpahanan kagahapong adlawa.
Miingon ang kongresista nga temporaryo nga alibyo lamang ang nahatag sa DOTr alang sa nagpiot nga pasahero rason nga target nila nga kab-uton ang pagsilbing international airport sa Laguindingan ubos sa termino ni Pres Bongbong Marcos.
Dumduman nga dugang 360 ka pasahero ang ma-akomodar sa tukuron nga facility expansion isip tipik sa gihingusgan ni Emano ug ubang mga kongresistea sa rehiyon sukad pa sa miaging tuig 2023.
Hisayrang mismo mitambong si DOTr Secretary Jaime Bautista kinuyugan nila ni Emano,1st District Cagayan de Oro Cong. Lordan Suan;Misamis Oriental 1st District Rep.Christian Unabia,magsoong CdeO 2nd District Cong. Rufus ug City Vice Mayor Jocelyn Rodriguez,Misamis Oriental Gov. Peter Unabia,Aboitiz Construction officials ug uban pa ang pag-ground breaking sulod sa airport kagahapon sa buntag.
