CAGAYAN DE ORO CITY – Mikostar sa halos 5 milyones pesos ang estimated structural damage sa dakong sunog nga milamoy sa 51 ka balay sa 31st-32nd Streets,Brgy Nazareth ning syudad.
Namahayag si Nazareth Punong Brgy Atty. Regine Rodriguez nga hinoon walay residente nga namatay apan dunay usa ka trabahanteng lalaki nga naangol kay ulahi nga napukas samtang natulog sulod sa balay dihang kamulo na ang sunog.
Mihangyo si Rodriguez sa dugang tabang alang sa iyang 99 ka pamilya o 355 ka indibdiwal nga walay nadala atol sa trahedya ug temporaryong gipasilong sa gymnasium sa brgy sugod kagahapon sa hapon.
Samtang teorya sa nabiyaan nga nilung-ag ug dunay kalit mibuto gikan sa welding area ang tipik sa gikonsidera sa Bureau of Fire Protection investigators rason nga nahitabo ang laing sunog sa dakbayan.
Unang gitoohan nga nagsumikad ang sunog sa balay ni Dodo Castil.
Samtang makig-koordinar si Cagayan de Oro 2nd District Cong. Rufus Rodriguez sa National Housing Authority o NHA alang sa mas plastar nga pamuyo sa gatos ka pamilya nga apektado sa sunog.
Kini ang long term solution nga gusto ipatuman sa mga Rodriguez alang sa mga biktima nga dugay nang nagpuyo sa yuta nga iya sa simbahang Katolika ning syudad.
Siya miingon nga gilayong pasugdan nila’g clearing operation ang fire site ning adlawa aron makatukod na’g balik sa ilang mga temporaryong balay ang mga biktima.
