CAGAYAN DE ORO CITY – Gihagit ni City Local Environment and Natural Resources Office o CLENRO manager Engr Armen Cuenca si kanhi City Mayor Oscar Moreno kuyog ang iyang mga dumadapig nga personal susihon ang kahimtang sa engineered sanitary landfill sa Brgy Pagalungan ning syudad.
(Photos from Atty. Oscar Moreno’s Facebook page)
Kini human unang giakusar sa kanhi mayor nga gipasagdan rason nga nagka-kidlay ang koleksyon sa mga basura nga naka-kontrata sa kompanyang STENCIL diin giingong higala ni Mayor Klarex Uy ang tag-iya nga nakabase ning syudad.
Miingon si Cuenca nga andam niya kuyugan si Moreno kon gustuhon niini aron dungan nila makit-an ang 70 milyones pesos nga balor sa pasilidad nga tipik sa basehan kon nganong nakakuha’g SEAL OF LOCAL GOOD GOVERNANCE award ang city govt sa kasamtangang administrasyon.
Samtang wala namulitika ug dili subay sa tsimis ang basehan ni Konsehal Imee Moreno sa iyang magkalahi nga special report sulod sa konseho kabahin sa kahimtang sa koleksyon sa basura sa dakbayan.
Kini ang tubag sa batan-ong Moreno sa depensa sa mga alyado ni Uy nga pamulitika lamang ang tuyo niini sa balik-balik nga pagtuki sa isyu sa basura.
Namahayag ang anak-konsehal ni Moreno nga obligasyon usab sa mga opisyal nga mohimo’g aksyon sa mga reklamo sa katawhan sa kahugaw sa dakbayan.
