CAGAYAN DE ORO CITY – Gitambagan ni kanhi Cagayan de Oro Water District o COWD board of directors chairman Joel Baldelovar ang COBI nga padayong dawaton ang bayad aron kalikayan mawad-an sa tubig ang katawhan sa dakbayan.
Gitumbok ni Baldelovar ang 16 pesos ug 60 sentabos cubic meter sa tubig nga binulan gibayad sa COWD bugti sa serbisyo sa Cagayan de Bulk Water Incorporated o COBI alang sa syudad.
Gihimo ni Baldelovar kinsa executive consultant ni Rio Verde President Engr Joeffrey Hapitan nga dili makiangayon nga magsilbing bihag ang katawhan sa financial obligation dispute sa COWD ug COBI.
Namahayag kini nga wala sa kontrata sa duha ka partido nga kon dugay makabayad,putla’g tubig ang dakbayan.
Samtang kayang suplayan sa Mindanao Cooperatives Waters Service Federation o MCWSF sa panubig ang katawhan sa dakbayan kon magdumili na pagserbisyo si COBI.
Kini ang gipaabot nga mensahe ni Engr Neil Oraiz,representante sa water cooperatives nunot sa kabalaka nga idayon ni COBI nga dili na mosuplay sa COWD.
Namahayag si Oraiz nga kon hangyoon sila sa city govt,andam sila pagtugotd sa dakong water treatment facility aron gilayong makasugod pagserbisyo sugod sa bulan sa Disyembre ning tuiga.
Siya miingon nga ubay-ubay na sa mga brgy dinhi sa syudad ug pipila ka lungsod sa Bukidnon ang ilang nahatagan na sa panubig.
