CAGAYAN DE ORO CITY – Namugos sa laing higayon si Mayor Rolando ‘Klarex’ Uy nga katawhang-interes kon nganong paspas milihok ang city hall dihang nagbahad ang Cagayan de Oro Bulk Water Incorporated o COBI ngadto sa Cagayan de Oro Water District o COWD sa syudad.
Kini ang subli pag-depensa ni Uy kon nganong gitahasan niya ang konseho pagsusi sa legalidad sa kontratang panubig tali COWD ug COBI.
Miingon ang mayor nga obligasyon sa city govt nga masiguro nga dili mahasol ug mabutang sa alaot ang katawhan sa panubig rason nga dunay gihimong imbestigasyon ang konseho kabahin niini.
Samtang pagguba sa pagkatawo ni kanhi City Mayor Oscar Moreno ug pagpalayas sa kompanyang Metro Pacific Waters ang nag-unang tumong kon nganong gitukod ni Klarex ang task force on water distribution sa syudad.
Kini human unang nagpadala’g ultimatum ang COBI nga ihunong nila ang pagsuplay-tubig sa COWD kon dili mabayran ang sobra 400 milyones pesos nga utang.
Miingon si Moreno nga angay magbantay ang katawhan sa mga gihimong lakang sa grupo ni Uy nga gisakyan ang COWD-COBI isyu alang sa ilang naghinorang politikanhong-interes.
Hisayrang sa fact finding nga gihimo sa konseho,wala makakuha’g pamatood ang mga nag-imbestigar nga dunay obligasyong-legal si Moreno sa maong isyu.
