CAGAYAN DE ORO CITY – Dili bikil alang sa Metro Pacific Waters ang pagtugot sa konseho sa resolution interposing of no objection sa ilang supplier nga Rio Verde aron makahimo’g direktang pagbaligya’g tubig sa katawhan sa dakbayan.
Kini ang reaksyon ni MetroPac senior legal counsel Atty. Roberto Rodrigo kon dili ba supak sa kontrata nila sa Rio Verde nga maoy naghatag panubig sa mga konsumante pinaagi sa COWD.
Miingon si Rodrigo nga lahi ang transaksyon sa Rio Verde kay mga lugar nga dili kaya sudlan sa COWD ang tuyo suplayan ug dili usab kini makaapektar sa 100 million per day water supply nga ilang gibaligya sa katawhan sa syudad.
Samtang disbintaha alang kang Kag. Imee Moreno sa interes sa katawhan gipasar nga resolution no. 2024-692 interposing of no objection sa application sa Rio Verde aron direktang water supplier sa syudad.
Kini ang rason nga mibarog si Moreno ug misupak taliwala sa mayoriya sa iyang mga kauban ang naghatag pabor sa aplikasyon sa maong kompanya.
Siya miingon nga dili pa gani tataw kon unsay findings sa gihimong mga imbestigasyon sa panubig sa syudad apan may gilugwa nang lakang ang konseho alayon niini.
Apan alang sa mayoriya,walay angay ikabalaka ang publiko sa gitugtan nga aplikasyon Rio Verde aron magsilbing dugang water supplier dinhi sa dakbayan.
Kini sukwahi sa gustong ipaabot nga mensahe ni Moreno nga nagdala sa peligro ug disbintaha sa interes sa katawhan ang pagtugot nila sa konseho sa dugang direktang tigsuplay sa panubig sa dakbayan.
Namahayag si Kag. Edgar Cabanlas nga taas pa ang subayong proseso sa Rio Verde ayha sila dunay hingpit nga operasyong-panubig sa syudad.
Nunot niini,gitambagan sa kanhi bise-mayor nga si Atty Antonio Soriano nga moduso’g kaso aron makakuha’g temporary restrating order o TRO ang city govt kabahin sa payable dispute sa COWD ug COBI ning syudad.
Kini human isulti ni Kag. Edgar Cabanlas nga kabahin sa ilang rekomendasyon sa COWD-COBI contract investigation nga kanselasyon kay daw disbintaha sa katawhan sa dakbayan.
Namahayag si Soriano nga walay personalidad ang city govt sa maong kontrata rason nga dili nila basta-basta mapakanselar ang maong kontrata.
