CAGAYAN DE ORO CITY – Imbestigaran na sa kamarabaha ang suliran nga gisagubang sa Cagayan de Oro Water District o COWD ilabina ang nagsaka nila nga bayrunon sa tubig nga gisuplay sa Cagayan de Oro Bulk Water Incoporated o COBI sa syudad.
Kini human mas giklaro ni Mindanao Affairs chairman ug Misamis Oriental 2nd District Congressman Bambi Emano ang unang pahayag ni Cagayan de Oro 1st District Rep. Lordan Suan nga may gihimo na siyang mga lakang aron masiguro ang kahimtang sa panubig sa syudad.
Namahayag si Emano nga kon makaabot na sa kamarabaha ang imbestigasyon,sigurado nga masayran ang mga impormasyon nga konektado sa COWD-COBI contract.
Samtang motukod na ang city govt sa water regulatory board aron maoy motutok sa kasiguruhan nga dili mabutang sa alaot sa ang interes sa katawhan sa syudad.
Kini human milabay pa ang daghang katuigan ayha nakakuha’g kopya sa kontra sa water joint venture ug bulk water agreement ang city govt tali COWD-COBI diin nadiskobre ang pipila ka giingong depektoso nga probisyon niini.
Namahayag si Kag. Edgar Cabanlas nga likayan na sa city govt nga makuratan sa basta-basta nga pagbahad nga putla’g tubig sama sa gihimo sa COBI rason nga naumol ang ideya pagtukod sa maong board.
Hisayrang wala pa makapagawas sa findings ang task force nga gitahasan pag-imbestigar sa COWD-COBI transactions ning syudad.
