CAGAYAN DE ORO CITY – Nakasaway si city council majority leader Kag. Edgar Cabanlas sa reaksyon sa kompanyang Metro Pacific Water nunot sa court’s temporary restraining order batok sa dugang pagputol sa tubig-suplay ngadto sa COWD consumers sa syudad.
Miingon si Cabanlas nga nakurat ug natingala kini sa gipakitang taras ni MetroPac Water senior legal counsel Atty Roberto Rodrigo diin mi-kuwestiyon sa TRO nga nakuha sa COWD batok sa water supply stoppage sa miaging adlaw.
Nahimoot usab ang pipila ka COWD board of directors sa reaksyon sa MetroPac-COBI legal team.
Samtang sulod sa legal parameters ang matag-aksyon nga gihimo sa COBI nga naglakip sa pagpahunong una’g suplay sa tubig ngadto sa COWD syudad.
Kini ang tubag ni Rodrigo sa reaksyon sa city govt ug COWD board of directors kabahin sa mando sa korte nga dili na sundan ang pagputol sa tubig.
Namahayag si Rodrigo nga unta patas ang city govt kay negosyo lang sa tubig ug wala magpagamit sa bisan kinsa nga politiko ang kompanya.
Namugos ang abogado nga igo lang sila naningil sa angay makuha sa ilang negosyong tubig apan nagdumili pagtabang ang syudad nga makabayad ang COWD sa minilyong utang niini.
