CAGAYAN DE ORO CITY – Gihimuan pa sa dugang imbestigasyon sa Bureau of Fire Protection (BFP) ang pagkasunog sa tunghaang elementarya sa lungsod sa Lantapan,Bukidnon.
Kini aron masuta kon unsay hinungdan sa pagkasunog sa Barangay Capitan Juan Intergrated School ilabina nga natigayon ang sunog sa adlaw’ng Sabado diin wala na’y mga tawo o mga estudyante.
Gibutyag ni Fire Officer 2 Jether Cyrus Altomera,imbestigador sa Lantapan Municipal Fire Station nga anaa sa upat ka lawak-saringan ang hingpit naugdaw ug laing usa ang na damyos-parsyal sa maong sunog.
Hinoon,walay kinabuhi sa mga tawo o estudyante ang naangol o namatay sa maong hitabo.
Mitala sa sobra 600-mil pesos nga initial structural damage sa pagkasunog sa tunghaan.
