CAGAYAN DE ORO CITY – Gi-depensa bisan sa Police Regional Office 10 ang gipatuman nga media safety protocol sulod sa 4ID,Philippine Army nga nakabase sa Kampo Edilberto Evangelista,Brgy Patag ning syudad.
Kini human unang gi-imbitar sa 4ID nang local media nga makasaksi sa pagpatuman sa writ of demolition sa sobra 300 ka house structures sa duha ka lote apan giingong dili sila tugtan makakuha sa actual footages samtang kamulo ang pagpangguba sa kabalayan.
Miingon si Bombo Radyo si PRO 10 spokesperson Major Joann Navarro nga standard operating procedure o SOP kini sa matag-dunay demolition nga ipahimutang lang sa usa ka lugar ang sakop sa media.
Kini tungod kay mismo na ang kapolisan ang ug mga sundalo nga nag-secure sa demolition site ang mohatag sa aktuwal nga videos ug mga hulagway kabahin sa gipatuman sa korte.
Namahayag si Navarro nga gibutang lang nila sa siguro nga dili maipit sa peligro ang mga sakop sa media samtang anaa ang pagpangguba sa mga kabalayan.
Namugos ang PNP ug 4ID nga dili pagpihig sa gawasnong prensa ang pag-house kanila sa usa ka bahin sa kampo kay gabayan ang ilang gisunod alang niini.
Dumduman nga sa pila ka adlaw nga demolasyon sa daghang kabalayan sa Sitio Palalan,Barangay Lumbia sa miaging mga semana,nag-resulta sa komosyon tali sa pipila ka residente ug mga pulis diin nakuhaan kini’g actual video footages sa media.
