CAGAYAN DE ORO CITY – Nag-zero casualty ang kalit nga pagsaka sa tubig-baha suba pasulod sa mga puy-anan sa 502 ka residente sa Sitio Bolao,Brgy Iponan ning syudad kagahapon sa kadlawon.
Kini resulta sa sunod-sunod nga pagbundak sa kusog nga ulan gikan sa Bukidnon padulong dinhi sa syudad ning semanaha lamang.
Namahayag si Iponan Punong Brgy Benjie Reyes nga kasamtangang gipahimutang nila ang 147 ka pamilya sa a Bolao Elementary School samtang kamulo gilimpyuhan ang mga balay nga nasanapan sa tubig-baha.
Gilauman nga makabalik na ang tanang mga bakwit sa ilang mga balay sulod ning adlawa.
Apan sa pikas bahin,nagresulta sa pagkakalas ang 5-anyos nga batang babaye epekto sa pagkaanod sa ilang balay sa kusog nga baha sa lungsod sa San Fernando,Bukidnon.
Kini epekto mga pag-ulan nga miputol sa foot bridge sa maong lungsod sa miaging adlaw’ng Lunes.
Namahayag si Office of the Civil Defense 10 asst regional director Gilbert Conde nga nabanlas sa tubig-baha ang balay sa biktima hinungdan sa pagkaanod ug pagkalumos niini.
Sa pagkutlo ning balita,padayon nangayo’g damage assessment ang OCD-10 sa mga lugar nga nahiagom sa mga pagbaha sama dinhi sa syudad sa miaging kadlawon.
