CAGAYAN DE ORO CITY – Gitakda nang ilugwa sa naglangkob sa Election Registration Board (ERB) ang ilang findings kon angay ba nga dawaton ang libuang mga botante nga kalit midagsa ug mibalhin sa ilang mga rehistro sa labing dakong brgy sa dakbayan.
Kini human nasuta ni Comelec 10 regional director Atty Renato Magbutay nga natapos na ang pagpatawag sa maong mga rehistrante nga unang gisang-at sa reklamo ug gi-kuwestiyon ang legalidad sa ilang pagbalhin.
Miingon si Magbutay nga unta kon unsa ang hukom sa ERB sa maong mga nagpa-rehistro angay kining dawaton ug tahuron diha sa Brgy Carmen ning dakbayan.
Hisayrang tipik dayag nga magka-engkuwentro pagka-kongresista sa unang disrito sa syudad si incumbent Cagayan de Oro 1st District Cong. Lordan Suan ug Carmen Punong Brgy Kikang Uy.
