CAGAYAN DE ORO CITY, Philippines – Gikoronahan isip Miss Grand International 2024 ang kandidate sa India nga si Rachel Gupta. Gipildi ni Gupta ang 68 ka mga kandidata sa coronation night sa prestihiyosong kompetisyon didto sa MGI Hall, Bravo BKK Bangkok City Thailand. Mibida ang mga tubag ug sundayag sa bag-ong rayna, busa siya ang nagustuhan sa mga hurado nga muhupot sa korona. Nag-standout ang tubag ni Gupta kalabot sa paghatag sulosyon sa nag-unang suliran sa kalibutan. Miingon ang dalaga nga adecer sulusyonan ang dinagko nga suliran kinahanglan balikan sa matag nasud ang mga tawong gutom, nga maoy grabeng maapektuhan sa managlahing kalamidad. Ulahing nahimong Miss Grand International mao si Luciana Fuster sa Peru.
Ang good news! Nasakmit sa kandidata sa Pilipinas ang korona sa pagka-first runner up. Si Christine Juliane Opiaza, kinsa usa ka model, trainer ug beteranang beauty pageant titleholder, ang misegunda sa kaanyag ug kalantip sa salabutan sa indigay. Sa TOP 5 Question and Answer Portion, ang 26 anyos nga mitapos sa kursong Business Administration, ang unang mitubag sa gipangutana sa mga hurado kung unsa ang pinaka-kritikal nga isyu nga gi-atubang sa kalibutan ning panahuna. Miingon si Opiaza nga mihatag sa negatibong epekto sa katawhan ang walag-tuo nga gubat sa kalibutan, ug gusto niya kining masulosyonan.
Maoy nagsilbing second runner up si Thae Su Nyein sa Myanmar, 3r runner-up si Safietou Kabengele sa France, ug 4th runner up ang pambato sa Brazil nga si Talita Hartmann. Nasakmit ni Miss Ghana ang Best in Evening Gown; Best in Swimsuit - Ms. Brazil; Miss Popular Vote - Ms. Indonesia; Country’s Power of the Year - Ms. Thailand; Grand Voice Award - Ms Trinidad and Tobago. Tolo ka mga representante ang misakmit sa Best in National Costume nga gilangkoban nila Ms. Brazil, Ecuador ugHonduras. Nahimong Charming by Chat Cosmetics ang Miss Indonesia. Nakuha ni Miss Thailand ang Beauty Skin by Hya Booster Serum, samtang ang napadulong ang I’Aura Queen of the night kang Ms. Myanmar.
