Gikompirmar sa Philippine Air Force o PAF nga pabiling missing ang ilang FA-50 fighter jet nga nagpahigayon sa tactical night operations exercises kaganihang kadlawon.
Miingon si PAF spokesperson Col. Maria Consuelo Castillo nga nawaala ang kontak sa two-seater jet pipila ka minutos ayha unta maaabot sa target area,
Siya miingon nga gipaningkamutan sa ubang PAF planes pagkutay sa linya sa nawalang eroplano apan wala gihapon kini natultulan ang lokasyon.
Gibutyag ni Castillo nga prioridad nila nga makit-an nga luwas ang ilang PAF crew rason nga walay hunong ang ilang koordinasyon sa local contacts.
Nagdumili pa sa pagsulti ang PAF kung angay ba nga ‘grounded’ ang tanang FA-50 fighters nga nakuha sa Pilipinas sa South Korea sa miaging napulo ka tuig.
Wala pa’y kompirmasyon ang state forces kabahin sa mikaylap sa social media nga nahagsa ang eroplano sa Kalatungan,Bukidnon.
Dumduman nga pipila sa mga residente sa Northern Mindanao ang nakabantay sa pipila ka paglupad sa air assets sa tropa sa gobierno kaganihang kadlawon.
