CAGAYAN DE ORO CITY – Gibaharan ni Bureau of Fire Protection o BFP-10 regional director Chief Supt Rommel Tradio ang iyang mga sakop nga likayan ang isyu sa pagdawat sa bisan unsa nga suburno gikan sa mga aplikante.
Kini human angkona sa opisyal nga wala matago kaniya nga naglihok ang maong isyu sulod sa ahensiya.
Maoy giumbok niini ang iyang pagkaso kuyog ang ubang mga opisyal sa BFP-Caraga region kaniadto tungod sa maong giingong kahiwian.
Miingon ang bag-ong BFP 10 official nga mangunay kini pagkaso batok sa mga malambigit niya nga mga ginsakupan kung adunay lig-ong basehan.
Gihimo ni Tradio ang pahayag nunot sa kickoff ceremony sa Fire Prevention Month nga gilusad sa syudad kagahapong adlawa.
