CAGAYAN DE ORO CITY – Sakit apan pugos nga gidawat sa pamilya Dadulla ang sakit nga kamatayon ni Air Force 1 Lt ‘ April John ‘AJ’ Dadulla nga apil sa sakay sa nahagsa nga FA-50 fighter jet sa Mt Kalatungan,Brgy Mirayon,Talakag,Bukidnon.
Miingon ang iyang igsoon nga si Jovenel Dadulla nga halos dili sila makatoo sa gidangatan sa mga biktima nga igo lang naghatag aerial support nga gipangayo sa 4ID,Philippine Army batok sa CPP-NPA rebels nga ilang gika-engkuwentro sa Cabanglasan,Bukidnon sa miaging Martes sa kadlawon.
Siya miingon nga bisan sakit apan mibati sila’g garbo nga nawala man kanila si AJ apan nagbilin kini sa dakong legasiya tungod sa tawag sa iyang trabaho.
Hisayrang nagsugod ang pagkawala sa eroplano sa duruha sa kadlawon sa Martes diin wala damha nga napadpad kini sa Talakag ug didto sa mihagsa ingon man mibuskad.
