CAGAYAN DE ORO CITY – Naghatag sa dugang kadasig sa Philippine Air Force o PAF ang bayanihong binuhatan nila ni late Major Jude Salang-oy ug 1 Lt April John Dadulla nga namatay tungod sa pagtuman sa ilang misyon batok sa mga kontra sa estado.
Gihimo ni Air Force spokesperson Col. Maria Consuelo Castillo ang pahayag nunot sa gihatag nga full military honors ug pasidungog sa duha ka piloto nga gidala sa Jose Villamor Airbase sa Pasay City kaganihang sa hapon.
Gibutyag ni Castillo nga wala makapaluya kanila apan nakapamata sa ilang dakong obligasyon sa katawhan ang sakrispiyo sa mga kinabuhi ni Dadulla ug Salang-oy.
Hisayrang pulos nakit-ang halos dili na maila ang patay’ng lawas sa duruha sa bukid sa Kalatungan,Brgy Mirayon,Talakag,Bukidnon kay didto mihagsa ang gimaneho nila nga FA-50 fighter jet sa miaging Martes sa kadlawon.
