CAGAYAN DE ORO CITY – Dili depektosong teknikal ug mekanikal ang nag-unang findings nga nakitaa sa mga imbestigador sa Philippine Air Force kung nganong nahagsa ang ilang FA-50 fighter jet sa Mt Kalatungan,Brgy Mirayon,Talakag,Bukidnon sa miaging Pebrero 4 sa kadlawon.
Kini human isulti ni PAF spokesperson Col. Maria Consuelo Castillo nga ang suliran sa flight visibility sa eroplano panahon sa gabii ang pinakaduol nga rason sa pagkahagsa niini.
Miingon si Castillo nga gawas sa suliran sa tag-as nga bukid,anaa usab ang gitawag nga multi-combat operation complexity hinungdang sa maong trahedya.
Sa maong hitabo,patay sa mga piloto nga si 1Lt April John Dadulla ug Major Jude Salang-oy nga kabahin sa mihatag sa aeral support sa mga sundalo nga nakig-engkuwentro sa mga rebelde sa Cabanglasan,Bukidnon sa maong higayon.
Hisayrang si Dadulla ang kaslunon unta sa iyang hinigugma nga susama niya nga pilito niadtong Pebrero 15 apan nahulipan sa dakong trahedya ang tanan.
