Mupatuman ang Land Transportation Office (LTO)-10 sa Oplan Biyaheng Ayos Semana Santa ug Summer Vacation 2025.
Namahayag si Santino Aguilar, Officer-in-Charge sa Law Enforcement Section sa Land Transportation Office – Region 10 nga tumong niini nga masiguro ang luwas nga pagbiyahe sa mga pasahero sa samtang mamauli sa ilang tagsa-tagsa ka mga probinsya aron itamod ang mga Mahal nga Aadlaw.
Lakip sa ilang lakang nga ipatuman ning semanaha ang Inspeksyon sa mga bus terminal aron masiguro nga ang mga pampasaherong bus – roadworthy ug compliant sa mga safety standards.
Mupahigayon, usab ang LTO-10 sa roadside operations aron susihon kung napatuman ba sa insakto ang balaod sa trapiko ug malikayan ang mga kasagarang paglapas sa balaod sa panahon sa holiday.
Ilusad sa LTO ang random ug surprise inspections sa mga bus terminal, lakip na ang drug testing sa mga drayber ug konduktor aron masiguro nga sila mentally ug physically fit sa pagbiyahe.
