CAGAYAN DE ORO CITY – Giila sa National Historical Commission of the Philippines o NHCP nga historical marker ang kapitolyo-probinsyal nga nakabase sa Malaybalay City,Bukidnon.
Kini human pasado sa gilatag nga mga rekisito sa NHCP ang maong 108 anyos nga kapitolyo nga natukod tuig 1917 pa sa probinsya.
Sumala sa ahensiya nga nagsilbi na kining ikatulo nga historical marker diin usa sa gihulagway nga ‘most exceptional capitol buildings’ sa Mindanao tungod sa pagka-preserbar sa ‘original neoclassical elements’ niini.
Ang sobra siglo-anyos nga kapitolyo ang mugna sa kongkreto ug kahoy diin desinsyo sa sikat nga si Juan Arellano.
Na-inagurahan ni late Bukidnon Gov. Antonio Rubin sa tuig 1933 ug subli gitul-id human sa World War 2 pinasikad sa Philippine Rehabilitation Act of 1946.
Ikaduha kini nga historical site nga giila sa NHCP diin ang una mao ang Camp Kasisang marker sa Malaybalay City sa tuig 1948 ug napalig-on sa susamang lokasyon sa miaging tuig lamang.
Hisayrang sulod sa maong kampo,kabahin si kanhi army brigadier general late Pres. Manuel Roxas,US forces for Mindanao commander General William Sharp ug 6-mil ka allied forces nga nabilanggo resulta sa pagpangulipon sa tropang Hapones tuig 1942.
