CAGAYAN DE ORO CITY – Napatyan sa laing sakop sa rebeldeng New People’s Army o NPA ang Communist Party of the Philippines o CPP dihang naipit sa gilusad nga opensiba sa 28th IB,Philippine Army sa Sitio Bayawa,Brgy San Luis,Malitbog,Bukidnon.
Kini subay sa gipalanog nga impormasyon sa buhatan ni 4ID spokesperson Major Joe Patrick Martinez kabahin sa ilang walay paglurang nga paglutos sa mga sakop sa CPP-NPA nga wala pa gihapon naghukom pagbalik sa gobierno dinhi sa Northern Mindanao ug Caraga regions.
Miingon si Martinez nga giila ang maong gitoohang NPA member nga si Joel Balos Dalunhay nga taga-Sitio Linabu,San Luis sa maong probinsya.
Namahayag ang opisyal nga narekober usab sa lokasyon sa engkuwentro ang M-16 rifle,rifle grenade,medical supplies,journal notebooks,commercial radio ug personal nga kabtangan.
Dugtong niini,namahayag si 4ID commanding general Major General Michele Anayron Jr nga ang maong kalambuan ang dayag nga indikasyon nga nagkaninit na nga gindaghanon sa NPA combatants ug rekurso.
Kini tungod kay dayag na nga naglisod na ang maong grupo nga makapanghasi pa sa dugang kagubot sa mga suok nga bahin sa rehiyon.
Hisayrang gibarugan sa Philippine Army nga usa na lang ka guerrilla front committee sa NPA ang ilang gi-trabaho aron giingong hingpit nang mahugno ang armadong pakigbiso sulod sa nasud.
