Gitukod sa 4th ID Philippine Army ang Task Force – FORE o Fair Orderly and Responsible Election.
Namahayag si 4ID Spokesperson Major Joe Patrick Matinez, nga ang bag-ong unit sa ilang dibisyon, naka pukos sa ilang misyo sa pagbantay sa kahusay ug kalinaw sa Northern Mindanao ug Caraga Region alang sa 2025 Midterm Election, sa Mayo 12.
Pukos sa namugna nga task force ang pagbungkag sa mga komonista nga posibleng musabwag sa kagubot panahon sa piliay, ug mga pagpangilkil sa dili pa ang adlaw sa eleksyon.
Miingon si Martinez nga anaa pa gihapo’y mga nahibiling miyembro sa New Peoples Army ang gapaningil sa election money pinaagi sa ilang gipakatag nga “permit to win” sa pipila ka mga kandidato nga anaa sa hinterland barangays.
Gisaad sa 4ID nga patgangon kini nga mga aktibidad kay lagmit, mahimo usab silang private armed groups o PAGS nga gamiton sa mga politiko panahon sa piliay aron mulusad sa pagpangharas sa mga botante.
Ang Task Force – FORE gilangkuban sa AFP, PNP, DILG, ug miyembro sa Commission on Elections.
