Patay ang 5 anyos nga bata ug 28 anyos nga lalaki human gidaru sa itom nga SUV ang walk way sa Terminak 1 sa Ninoy Aquino International Airport (NAIA), kagahapon sa buntag.
Giila ni Department of Transportation Secretary Vince Dizon ang suspek nga si Leo Sinlao Gonzales, 47 anyos.
Namahayag si Dizon nga wala silay nakita nga sinyales kung intensyonal ang pagbangga suspek batok sa pasahero sa tugpahanan. Tungod sa hitabo laing upat pa ang gidala sa hospital human maangol sa insidente.
Gi-abaga ni Ramon Ang, presidente sa New NAIA Infra Corporation, ang gasto sa tambal sa mga samaran, ug pagpalubong sa mga nakalas. Usa si Ang sa mga misusi sa hitabo.
Kagahapon, gilayong gi-suspenso sa Land Transportation Office (LTO) ang drivers license sa suspek sulod sa 90 ka adlaw.
