Gitak-op na ang mga pultahan sa Sistine Chapel, ug opisyal nang nagsugod ang conclave alang sa pagpili sa sunod nga Santo Papa sa Simbahang Katolika.
Ang 133 ka cardinal electors anaa na sa sulod, nag-ampo ug naghisgot sa pagpili sa kapuli ni Pope Francis, nga namatay sn niadtong Easter Monday.
Sa dili pa sila mobutar, mamati sila sa usa ka meditation o pag-ampo gikan kang Cardinale Raniero Cantalamessa, nga mag-giya kanila sa ilang mahinungdanong misyon, ning adlawa.
Ang unang resulta sa boto gilauman nga ipahibalo karong gabii.
Ang tanang Katoliko ug ang tibuok kalibotan nakatutok sa chimney sa Sistine Chapel.
Itom nga aso nagpasabot nga wala pay bag-ong Santo Papa.
Ang puti nga aso nagpasabot nga aduna nay bag-ong hulip ni anhing Pope Francis.
