Gipasalamatan ni Cardinal Luis Tagle ang tanan pinoy nga mi-ampo kaniya nga mahimong sunod nga Santo Papa.
Sa press briefing nga gilusad sa Catholic Bishops Conference of the Philippines (CBCP), mi-atubang sila CBCP President Virgilio David, Cebu Archbishop Cardinal Jose Advincula, ug Cardinal Luis Antonio Tagle human sa makasaysayanong conclave sulod sa Sistine Chapel.
Si Tagle, kinsa kanunay unod sa balita nga mahimong sunod nga Santo Papa, mipasabot nga walay pamulitika sa pagpili sa gibakantihang posisyon ni anhing Pope Francis, tali sa mga cardinal electors.
Miingon si Tagle nga ang ilang pagbotar maoy pinaka sagrado, ug dili sama sa pagpamulitika nga tawhanon ang lebel.
Gibutyag sa kardinal nga miagi pa sila sa grabeng pag-ampo pinaagi sa Esperituhanong Lebel, atubang kang Hesus Kristo, busa miabot sa ikatolo nga hugna ang ilang pagbotar ayha napili si Cardinal Francis Prevost, nga sa pagkakaron, giila nga si Pope Leo XIV.
