Mikalas sa 21 ka tawo ang pag-igo sa daghang tornadoes sa estadu sa Missouri ug Kentucky, USA. Segun sa report, nagsugod ang pagkuso-kuso sa mga alimpulos Sabado sa buntag. Gikasubo ni Kentucky Governor Andy Beshear ang pagkamatay sa 14 ka tawo sa ilang estadu.
“Kentucky, we’re starting today with the tough news that we lost at least 14 of our people to last night’s storms, but sadly, this number is expected to grow as we receive more information,” ingon ni Beshear.
Una niini, gihulagway ug gikonsiderar ni Southeastern Kentucky – Laurel County SheriffJogn Rott nga nahiagom sa mass casualties ang ilang lugar human mitubo pa ang ihap sa mga nakalas samtang sila milusad sa rescue operation.
Laing lima ka lawas sa tawo ang napalgan sa St. Louis ug duha sa Scott County, southeastern Missouri.
Hisayran nga kapin 5000 ka balay ang nalampurnas sa kusog nga huyop sa hangin dihang mipasulabi ang severe weather outbreak, pagkahapon sa adlaw’ng Sabado.
Gibutayg sa U.S. National Oceanic and Atmospheric Administration, gibana-bana sa 1,200 tornadoes ang mu-igo sa ilang nasud matag tuig.
