CAGAYAN DE ORO CITY – Gatala na’g sobra 300 ka domestic flights kada-semana ang Laguindingan International Airport diha sa lungsod sa Laguindingan,Misamis Oriental.
Kini sukad nga gikuha sa Aboitiz InfraCapital Airport Corporation ang pagdumala niini gikan sa CAAP niadtong hinapos nga bahin sa Abril ning tuiga.
Namahayag si Franz Jonathan de la Fuente,corporate communications and brand manager sa ABOITIZ INFRACAPITAL INCORPORATE nga kabahin lang kini sa daghang gitutukan nga serbisyo alang sa katawhan sa Northern Mindanao.
Siya miingon nga tahas usab sa ilang 30 ka tuig nga pagpagan sa LIA nga mas mapalambo pa kini aron mahatagan na sa katumanan ang pagsilbing international airport capable niini.
Kini ang rason nga kamulo ang mga pag-trabaho sa pipila ka bahin sa airport kay apil sa pirmadong public-private partnership nga himoon nga humagaway susama sa Mactan-Cebu International Airport ang kahimtang sa LIA dinhi sa rehiyon.
Hisayrang anaa sa 12.75 bilyones pesos ang pondo nga gigamit sa Aboitiz aron makuha ang pagsilbing Golden Gateway to Mindanao ang LIA sa dili pa mahuman ang 30 ka tuig nga PPP scheme.
