Gikompirmar sa Office of the Civil Defense (OCD) 10 ang pagkamissing sa tolo hangtud pito ka trabahante sa Balingasag, Misamis Oriental epekto sa pagbubo sa ulan nga dala sa shearline.
Namahayag si OCD Director Gilbert Conde nga tolo ka tawo ang unang gireport sa ilang buhatan nga namissing ug pulos kini trabahante sa usa ka construction site sa Barangay Camuayan sa susamang munisipalidad.
Subay sa report, kining Camuayan Spillway usa ka tulay ug drainage structure nga kasagarang gamiton sa mga residente ug mga trabahante nga moagi sa patabok sa maong suba.
Tungod sa kusog nga ulan, taas ang tsansa nga mag-overflow sa tubig ang suba ug lisud ang paglabang sa maong tulay sa pipila ka oras.
Ang kusog nga bubo sa ulan, nga nagresulta sa pagbaha ang gitoohang rason sa pagka-anod sa mga namissing nga tabahante.
Gawas sa reported missing, wala nay nadawat nga dugang ihap sa trahedya ang OCD sa pagbubo sa ulan sa milabay adlaw
