Natubag na ang dugay’ng kauhaw sa kampeonato sa Oklahoma City Thunder/OKC sukad sila nagbag-o sa gikan sa pagsilbing Super Seattle Sonics sa National Basketball Association/NBA sa tuig 2008.
Kini human sila ang nakakuha sa winner take all game batok sa Indiana Pacers sa ilang katapusang-dula sa NBA finals nga gihimo mismo sa korte sa OKC sa Paycom Center,Oklahoma City bag-uhay lamang.
Gitapos sa OKC ang NBA final’s game 7 sa iskor 103-91 aron tagamtamon ang pinakaunang kampeonato ning tuiga.
Nangulo sa kampeonato sa OKC ang ilang sikat nga magdudula nga si Shai Gilgeous Alexander nga nakahimo’g 29 puntos,12 assists,5 rebounds.
Mitampos usab sa iyang 20 points si Jalen Williams ug 18 puntos gikan kang Chet Holmgren aron hikawan mahimong kampeon ang Pacers sa maong kulbahinam nga dula.
Gisakmit usab ni SGA ang NBA finals Most Valuable Player award sa maong dula.
Ayha kini nakuha ni SGA, una na siya giila nga MVP sa regular season sa NBA ingon man sa western conference finals.
Dumduman nga nakatilaw’g kampeonato ang Sonics NBA tuig 1979 ug wala na kini masundi hangtod nga nag-usab sa pangalan nga OKC kay nabalhin naman sila sa Oklahoma City.
Samtang ang naparot nga Pacers, gipanguluhan ni Bennidict Mathurin nga nakahimo’g 24 puntos inabagan nila ni T.J McConnel ug Pascal Siakam nga anaay tag- 16 puntos ingon man Andrew Nembhard sa iyang 15 points.
Hisayrang ang saligado sa Pacers nga si Tyrese Haliburton ang nakahimo lamang sa 9 puntos kay wala makatiwas sa dula gumikan sa injury.
