CAGAYAN DE ORO CITY – Gihupu-hupuan ug giligid-ligiran pa sa mga sundalo sa 8th IB,Philippine Army ang giingong nagkatibulaag nga sakop sa rebeldeng New People’s Army/NPA sa bukirang bahin sa Brgy Busdi,Malaybalay City,Bukidnon.
Kini human nasugaw ang presensya sa 10 ka NPA combatants nga ubos sa RSDG Compac sa North Central Regional Mindanao Committee sa paghidangat sa mga sundalo sa maong lugar.
Gikataho nga adunay usa ka sakop sa militar ang samaron dihang nagkinasukliay sa mga bala ang duha ka panig kagahapon sa buntag.
Wala pa’y gihatag nga dugang impormasyon ang 4ID,Philippine Army diin ubos sa ilang hurisdiksyon ang 8th IB sa engkuwentro sa maong lalawigan.
Una nang namahayag kaniadto si 4ID commanding officer Major General Michelle Anayron Jr nga duol nang mahurot ang aktibong nabiling NPA combatants nga lig-ong naglihok sa Bukidnon sa dugay’ng panahon.
