Gisugat sa agrisibong pagsupak ni 21st City Councilor Alam Lim ang pag-ila kang Barangay Gusa Chairman Marlo Tabac isip bag-ong ex-officio member sa konseho, human kini nanumpa atubangan kang Mayor Rolando Klarex Uy, isip presidente sa Association of Barangay Captains (ABC) ning syudad.
Sa iyang point of order, sa unang regular session sa 21st Council, iyang gibutyag nga giila lamang sa Tabac isip miyembro sa liga, apan dili mahimong opisyal nga representante sa tibook assosasyon sa mga kapitanes.
Mahinumduman nga gibakante ni Lim ang posisyon sa pagka-presidente sa ABC human siya milampus sa pagpapili isip konsehal sa segundo distrito, ug nabilin kang Tabac ang liderato sa liga isip bise presidente.
Ang pagsupak ni Lim nagsumikad sa isyu sa loss of trust and confidence ilabe na sa mga kontrobersiya nga gikalambigitan ni Tabac ilawom sa kuwestiyonabli nga performance sa pagka-kapitan ilang barangay.
Kini ang rason nga 64 sa 80 ka mga barangay kapitanes ang wala mi-uyon nga siya mu-assume sa gibakante nga posisyon ni Lim.
Tungod sa pagsupak ni Lim, mi-apelar si Majority Floor Leader Kagawad Edgar Cabanlas sa konseho nga obserbahan ang pagpakita sa “humility” o pagpaubos, lakip na ang pag respetuhanay, isip importanteng bertud sa matag miyemrbo sa konseho.
Gihimo ni Cabanlas ang hangyo human nila gidawat ang pagsulod ni Gusa – Barangay Chairman Marlo Tabac, isip ex-officio nga miyembro sa konseho, kay namumpa na kini isip Presidente sa Liga ng mga Kapitanes sa Barangay.
