Mi-apelar ang mga enforces sa Roads and Traffic Administration – Task Group Demolition Movable Action Team nga sabton sa katawhan ang ilang tahas nga gisapnay kanila sa nasudnong kagamhanan.
Segun sa nalatid sa balaud-nasyonal, ang BaRCO o Barangay Road Cleaing Operation, giimplementar sa tanan dalan nga maagian sa mga sakyanan, ilabe na ang mga barangay roads kay nagtumong kini nga maseguro ang luwas nga pag-agi sa kadalanan, limpyo ang sidewalk, ug walay mga obstruction gikan sa mga eskinita.
Subay sa official facebook post sa RTA, ang ilang personahe mupadayon sa BARCO aron mas mahimong luwas ug episyente nga agianan sa mga residente ug access sa mga batakang serbisyo.
Ang DILG nag-implementar sa BaRCO pinaagi sa nagkalain-laing mekanismo, apil na ang monitoring, assessment, ug on-site validation, nga sagad naglakip sa local government units ug barangay councils.
Ang BaRCO gidesinyo aron malimpyuhan ang pampublikong dalan ug mga luna gikan sa mga obstruction nga makababag sa ilang tuyo nga paggamit.
Apil na niini ang pagtangtang sa mga ilegal nga estraktura, nakaparada nga mga sakyanan, basura, ug uban pang butang nga makababag sa dagan sa trapiko ug mga pedestrian.
