CAGAYAN DE ORO CITY – Gitahas ni City Mayor Klarex Uy sa security sector gilangkuban sa Cagayan de Oro City Police Office ug Task Force Oro nga mahatag ang pinakahugot nga seguridad alang sa core ug parallel events sa kapistahan sa patron San Agustin sa syudad sa Agosto 28 ning tuiga.
Kini ang hinungdan sunod-sunod na ang katiguman sa Higalaay Festival working committees sa tuyo nga masegurado ang kahusay’g kalinaw sa katawhan ug mga bisita sa pangelin sa dakbayan.
Miingon si Janboy Actub,tigpamaba sa city govt nga gusto ni Mayor Klarex nga mahatag ang pinaka-maayo nga kasaulugan sanglit gisaulog sa katawhan ang ika-75 nga tuig isip chartered city.
Siya miingon nga tanang aktibidad hataga’g igong seguridad partikular ang outdoor core events.
Hisayrang kabahin sa highlight sa kapistahan ang Ms Cagayan de Oro ug civil military parade nga dagsaon sa daghang contingents sa pagka-petsa 27 sa Agosto ning tuiga.
