Nagmalampuson ang selebrasyon sa 47th National Disability Rights Week, dinhi sa syudad.
Tumong sa kalihukan ang pagpasiugdan sa lig-ong katungod sa mga taong adunay kasilik-an sa panglawas kon Persons With Disability (PWD).
Namahayag si Maria Liza Corpuz, usa usab ka PWD ug hepe sa Persons with Disabilities Affairs Office, nga dako ang ilang pagpasalamat sa lokal nga gobyerno sa paghatag pagtagad sa ilang sektor.
Namulong si Corpuz nga adunay social pension nga ihatag si Mayor Rolando Klarex Uy, alang kanila, ubos sa iyang termino.
Dako usab ang iyang pasalamat kang City Councilor Girly Balaba, nga kaniadto maoy chairman sa Committee on Social Services on PWDs, ug maoy nag-champion sa ordinansa hinungdan nga na-implementar na karon sa Mayor ang social pension alang sa kapin dos-mil ka PWDs sa dakbayan.
Ang tema sa selebrasyon ning tuiga mao ang “Innovation for Inclusion: Building Inclusive Communities Together”.
Gitumong kini sa paghatag respeto ug dugang oportunidad sa mga PWDs.
