Nagmalampuson ang gilusad nga Free Dutert Rally, dinhi sa syudad.
Namahayag si Mindanao Parallel Leaders (MPL) CdeO Chapter President Benly Lecera nga libuang katawhan ang misalmot sa ilang panagtipok aron ipakita ang suporta kang Kanhi Presidente Rodrigo Duterte, nga kasamtangang gipriso sa International Criminal Court (ICC) gumikan sa kasong crimes against humanity.
Ang rally gipahigayon sa Divisoria ug Gaston Park.
Ang usa ka adlaw nga aktibidad, gilakipan sa caravan gikan sa Rodelsa Rotonda ug adunay pagpanghatag sa libreng T-shirt printing, nga gipangulohan sa Northern Mindanao Riders Club Association.
Gikompirmar ni Lecera, nga ang rally gitambungan sa mga grupo gikan sa Bukidnon, Misamis Oriental, ug Lanao del Norte, kinsa nagpaila isip hugpong sa mga Duterte loyalists nga nagtuo nga ang kaso batok sa ilang lider usa ka porma sa political persecution.
