CAGAYAN DE ORO CITY – Nauyunan sa Higalaay Festival 2025 committees nga i-aktibo’g balik ang incident management team/IMT aron mahatagan sa hugot nga pagbantay ang 5 ka event categories alayon sa kapistahan ni Sr San Agustin sa syudad sa Agosto 28 ning tuiga.
Gibutyag ni acting City Tourism Officer Marky Kenneth Jalapadan nga gitapos na nila ang panagtagbo aron plantsahon ang mga gimbuhaton nga adunay kalambigitan sa dagkong mga kalihukan sa pangolin sa dakbayan.
Siya miingon nga mismo na si CDRRMD chief Nick Jabagat ang mopapirma sa pagpa-aktibo sa IMT aron sumbanan sa tanang mga kalihukan ilabina sa ipatuman nga security implementation plan.
Dumduman nga ilusad ang Higalaay Festival 2025 sa Rio De Oro Boulevard nga panguluhan ni City Mayor Rolando Klarex Uy sa Agosto 8 sa gabii.
