CAGAYAN DE ORO CITY – Nanghawod ning tuiga nga Higalaay Festival sa Cagayan de Oro ang Cotabato Province based Tower Fireworks sa 3rd Mayor Rolando ‘Klarex’ Uy pyro music competition.
Kini human sila ilha nga kampeon kontra sa laing upat ka competing teams gikan sa Luzon ug Visayas nga gihimo sa Rio De Oro Boulevard isip kabahin sa highlights sa 2025 Higalaay Festival alayon sa kapistahan sa patron Senior San Agustin sa Agosto 28.
Nagsilbing 2nd runner up ang Starmine Fireworks nga gikan sa Pandi,Bulacan ug 3rd runner up usab ang Spectra Illuminator nga nagsumikad sa Bacolod City sa Wester Visayas region.
Kabahin sa mihatag usab sa dugang lingaw ang Orient Star Pyrotechnics gikan Borongan City,Samar ug Bojos Fireworks nga representasyon sa Roxas City sa Kabisayaan.
Gitapos ang showdown pinaagi sa partisipasyon sa Cagayan de Oro-based Tsada Fireworks kinsa duha ka tuig nang nagkampeon diin sila ang nag-host na lang ning tuiga sa maong kompetisyon.
Dumduman nga napuno sa katawhan dili lang gikan sa syudad apan bisan sa ubang bahin sa Northern Mindanao ang boulevard gumikan sa libreng pasundayag nga naghatag sa dugang kalingawan sa kapistahan ning tuiga.
Hisayrang anaa usab ang presensiya sa bag-uhay lang nangakoronahan nga mga kandidata sa Ms Cagayan de Oro 2025 nga gipanguluhan ni Gwyneth Jemimah Chan ug pipila ka city election officials nga misaksi sa tinuig nga kalihukan.
