Nanawagan ang simbahan sa Iglesia Filipina Independiente (IFI) nga kasohan na ang mga personalidad nga nalambigit sa korapsyon sa nasud.
Gibutyag ni Fr. Jefferson Palasan nga dako kini nga kadaugan alang sa katawhan ug simbahan kung hingpit nga makasuhan ang mga nanganlan mga mga senador ug kongresista, kuyog ang ilang mga kakunsabo nga mga kontratista ug mga opisyales sa DPWH, COA, ug bisan sa executive branch sa gobyerno.
Milaum si Fr. Palasan nga dili mulanding sa acquittal ang pagpasaka’g kaso ilabe na nga bug-at ang mga gibuhian nga “sworn statement” sa mga resource person nga nangayog proteksyon sa senado ug sa Department of Justice (DOJ).
