Bag-o na ang Regional Director sa Police Regional Office -10.
Epektibo, kagahapong adlawa, gitudlo si kanhi CIDG Chief Police Brigadier General Christopher Abrahano.
Namahayag si PRO-10 Spokesperson Police Major Joann Navarro nga nadawat nila ang direktiba sa Kampo Krame sa mi-aging semana, kundiin si kanhi PRO-10 Director Police Brigadier General Rolindo Suguilon gitudlo isip bag-ong deputy commander sa Special Task Force for the Disbandment of Private Armed Groups sa Southern Luzon.
Wala na mihatag si Navarro sa dugang detalye kung nganong mubo lang ang paghawid ni Sugilon isip rehiyonal nga direktor sa Northern Mindanao, ug kung nganong na-demote sa posisyon si Abrahano.
Sa umalabot Miyerkules, Oktobre 8, ilusad ang turnover ceremony nga saksihan mismo ni acting PNP Chief – Police Lieutenant General Jose Melencio Nartatez Jr.
Una niini, dili bag-o alang kang Abrahano ang paghawid sa directorship sa PNP Regional Offices kay nagsilbi na kining regional director sa PRO-13 Caraga, ayha nalangkat sa iyang posisyon niadtong Hulyo 28, 2025 ug gipahawid sa CIDG.
