Miabante na ang Phase 4 sa Pasig Bigyang Buhay Muli (PBBM) Project.
Kini ang gibutyag ni Presidente Ferdinand Marcos Jr.
Miingon ang presidente nga usa ka dakong milestone sa pagbag-o sa Ilog Pasig ug mahimo na kining mas buhi ug makatawhan nga luna.
Hisayran nga human sa pito ka bulan sukad magsugod ang Phase 3, gipanguluhan ni Marcos ug First Lady Liza Marcos ang pormal nga pag-abli sa sunod nga yugto sa Lawton Pasig River Ferry Station sa Manila niadtong Oktubre 19, 2025.
Sa iyang mensahe, miingon ang presidente nga ang kalamboan dili kanunay nagpasabot sa pagtukod sa bag-o, kundili, mahimo usab kining maghatag sa kinabuhi pag-usab (revival) sa usa ka butang nga dugay nang kabahin sa katawhan.
Ang Phase 4 gilaraw aron ikonektar ang Phase 1A ngadto sa linya sa LRTA ug palapdan paingon sa Arroceros Park, nga naglakip sa mga bag-ong walkway, bike lane, tulay, ug komersyal nga mga luna nga nag-awhag sa kalihukan, koneksyon, ug oportunidad sa panginabuhi.
