Subling mubalik sa entablado ang American singer, songwriter, guitarist, ug actor nga si Jon Bon Jovi.
Sa iyang latest video, miingon ang bokalista nga nagpanikad na kini sa iyang pagbalik human sa malampusong operasyon sa iyang vocal cords.
Ang maong operasyon gihimo niadtong 2022.
Sa iyang naglabay nga interviews, mi-angkon ang singer nga mipaubos siya sa operasyon aron isalbar ang iyang “dying” vocal cord.
Mao kadto ang higayon nga diriyot na unta mu-undang sa pag-awit ang singer.
Human sa tulo ka tuig nga rehabilitasyon, gipahibalo sa banda nga Bon Jovi mulusad sa iyang comeback world tour nga magsugod sa Hulyo 2026.
Ang tour ginganlanag “The Forever Tour”.
Si Bon Jovi mipadayag sa pagpasalamat sa suporta sa mga fans ug sa iyang banda sa tibuok panahon sa iyang pagka-recover.
