Patay na ang duha ka mag-uuma gikan sa tribong Blaan human sila mipa-ubos sa tradisyunal nga ritwal nga gitawag “Sulif” sa Datal Anggas, Alabel, Sarangani Province, kagahapong adlawa.
Ang aktuwal nga viral video, gidokumento ni Garson Lopez kundiin ang duha ka partisipante nga mga biktima gipa-unlod ilawom sa tubig sa suba.
Ang “Sulif” nga ritwal usa ka tradisyonal nga kalihukan sa triboi nga gigamit isip pamaagi sa pagpanimalos o silot sa panagbangi, ug kasagaran naglakip sa pagpalumos sa tubig.
Gawas niini, aduna usab silay “Damso” (farming ritual) ug “Sadyandi” (reconciliation ritual). Kini nagpakita sa espirituhanong koneksyon sa kinaiyahan ug kultura sa tribo.
Sa nahitabo nga insidente gibutangan sa bangil ang ulo sa duha ka biktima samtang nagpailawom sa tubig.
Gani, makita sa video nga nakapangayog tabang ang duha tungod sa kalisod sa pag-ginhawa, apan, gipugngan kini sa nagtimon sa ilang ulo. Gibana-bana nga human sa 12 minutos nga ritwal, wala makasugakod ang biktima ug gideklarar kining namatay gumikan sa pagkalumos.
