Namahulay na si June Lockhart, ang hinigugma nga inahan sa telebisyon gikan sa mga klasikong serye nga “Lassie” ug “Lost In Space”, sa edad nga 100.
Subay sa report, ang aktress nabugtuan sa kinabuhi sulod sa iyang puy-anan sa Santa Monica, California.
Gikumpirma sa iyang pamilya nga siya namatay sa natural nga hinungdan, nga gilibutan sa iyang anak nga si June Elizabeth ug apo nga si Christianna.
Si Lockhart nagsugod sa iyang karera sa edad nga 8 ug midaug sa Tony Award niadtong 1947.
Timaan kini nga ang iyang karera sa showbis milungtad sa kapin sa walo ka dekada.
Gihandom siya sa mga fans ug kauban sa industriya isip usa ka inspirasyon sa mga kabatan-onang aktor ug usa ka babaye nga adunay dakong gugma sa journalism, siyensiya, ug NASA.
